شرح صغير على نقط المراقبة.
السند القانوني: المواد من 5 إلى 11 من المرسوم التطبيقي 2.10.419.
▪ممنوع يدار الباراج فالفيراج و الطلعة و الهبطة و فوق القنطرة و فالأنفاق.
▪ممنوع يدار الباراج فالطريق السيار من غير محطات الآداء أو فالخرجة.
▪ممنوع يدار الباراج بدون تشوير مسبق:
• خارج المدينة: 200 متر بالنسبة للباراج فيكس، و 100 بالنسبة للباراج المؤقت.
•داخل المدينة: البلايك ديال التشوير الطرقي هم فحد داتهم تشوير مسبق للمراقبة، إلى ما كانوش خاص يدار تشوير ملائم على بعد 200 متر.
هنا بغيت نشير لواحد الأمر غاية فالأهمية، شحال من واحد كيجي حتال الباراج و كيوقف و يبقى يتسنى فالشرطي أو الدركي يعطيه الإشارة باش يتحرك.
التشوير ديال الباراج كينتهي ب2 ديال الإشارات، يا إما “خفف” يا إما “قف”
▪خفف: نقص السرعة لما دون 20 كلم/الساعة و رد البال مع رجل المراقبة، إلى عطاك إشارة باش توقف دير السينيال و زيير ليمن، ما هضر مع حد كمل طريقك.
▪قف: وقّف الروايض، ثم رد البال مع رجل المراقبة، عطاك الإشارة باش توقف، غادي تدير السينيال و تزير ليمن، عطاك إشارة باش تحرك أو ما عطاك حتى إشارة أو كان مشغول أو ما كانش أصلا، دير بروميار و توكل عالله (تماما بحال البلاكة ديال السطوب لي كتعرف، ماركي السطوب و زيد)
ما كايناش شي حاجة سميتها نبقا واقف الباراج حتى يقول ليا زيد.
جمعية الأمل التنمية الفلاحية بجماعة سيدي الكامل إقليم سيدي قاسم