مغربية بريس
متابعة خاصة ……قسم الأخبار
القائدة فاطمة السلامي، المعروفة بتفانيها فخدمتها، دايرة واحد الخدمة اللي كتشد العجب فـ أحياء منطقة الساكنية فالنفود ديالها . هاد القائدة ديال المقاطعة 16 كتدور بشكل يومي فالمنطقة برفقة المقدمين وعناصر القوات المساعدة، وكتراقب البناء العشوائي اللي ولى مشكل كبير فالمنطقة.
ماشي غير البناء، القائدة كتحط يدها حتى فالنظافة وحماية البيئة. مؤخراً، وقفات بشكل شخصي مع عمال النظافة والانعاش الوطني باش ينظفو محيط الطريق السيار (لاطوروت)، حيت هاد المنطقة كانت كتجمع فيها الأزبال بشكل عشوائي وكتضر بالمنظر العام والطبيعة.
لكن هاد المجهودات خاصها دعم كبير، خصوصاً من المديرية ديال المياه والغابات، باش تعاون السلطات المحلية فمحاربة المشاكل البيئية وحماية الغابة من الرعاة اللي كيدخلوا بلا قانون وناهبي الخشب اللي كيسببو خسائر للطبيعة.
رسالة واضحة: خاص يكون تعاون بين الجميع – السلطات، السكان، والمديريات المسؤولة – باش المنطقة ديال الساكنية تولي نموذج فالبيئة والتنظيم، والقائدة فاطمة السلامى كتعطي المثال الحي على القيادة اللي كتفكر فالمصلحة العامة.