مغربية بريس
متابعة خاصة ” قسم التحرير
رجال الأمن فطنجة، شدوا 11 شخص، من بينهم ثلاث نساء، بتهم تتعلق بأكبر عملية نصب عرفتها المدينة، واللي عرفها الإعلام بـ “مجموعة الخير”، هاد المجموعة سرقات آلاف الضحايا وساهمات فالنصب عليهم بسبع ملايير سنتيم.
وحسب مصادر إعلامية، فإن قاضي التحقيق قرر يسجن ثمانية من المشتبه فيهم، بينما الثلاث نساء كيتابعوا فحالة سراح، حتى يكملوا التحقيقات اللي ممكن تكشف عن تفاصيل صادمة وضحايا آخرين.
وحدة من المسيرات ديال “مجموعة الخير” انتاحرات الخميس اللي فات، باستعمال “الماء القاطع”، بعد ما طلبوا منها العديد من الضحايا باش ترجع ليهم فلوسهم.
وقبل ما تنتاحر، الهالكة اللي كانت خدامة كنادلة فمقهى فطنجة، هربات لمدينة العرائش بعد ما تورطات فالنصب مع مجموعة الخير، وبعض المسيرات اللي كاينين فإسبانيا.
السيدة اللي كان عندها 38 سنة وكتعول جوج د الأطفال، استغلات ثقة الضحايا باش تنفذ عملية احتيال كبيرة، وسرقات مئات الملايين من السنتيمات، بعدما انكشفات، لقات راسها تحت ضغط كبير من الضحايا اللي عرفوا مكان سكنها وعملها، هاد الضغط خلاها تهرب للعرائش وتنهي حياتها